សម្ដេចតេជោ ហ៊ុន សែន៖«ខ្ញុំមិនមែន នាយករដ្ឋមន្ត្រីហ្វេសប៊ុកទេខ្ញុំ ប្រើហ្វេសប៊ុក អាច ទទួលដំណឹងបានលឿន និងធ្វើការដោះស្រាយ បញ្ហាជូនប្រជាពលរដ្ឋបានរហ័សទាន់ពេលវេលា»
12-February-2016 | ដោយ មែន កំសត់
ភ្នំពេញ៖សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា នៅព្រឹកថ្ងៃទី ១១ ខែ កុម្ភៈ ឆ្នាំ ២០១៦នេះ សម្ដេច បានអះអាងនិងមានប្រសាន៍ថា មានមនុស្សនិងអ្នកវិភាគមួយចំនួន ហៅសម្ដេចថា នាយករដ្ឋមន្ត្រីហ្វេសប៊ុក ប៉ុន្តែ ការដែលមានហ្វេសប៊ុកប្រើអាចឲ្យសម្ដេចទទួលដំណឹងបានលឿន និងធ្វើការដោះស្រាយ បញ្ហាជូនប្រជាពលរដ្ឋបានរហ័សទាន់ពេលវេលា។
សម្តេចតេជោ ហ៊ុន សែនបានថ្លែងក្នុងពិធីសម្ពោធ សាកលវិទ្យាល័យ ហេង សំរិន ត្បូងឃ្មុំនៅព្រឹក ថ្ងៃទី១១ កុម្ភៈ ថា "មានគេហៅឯងជាប្រមុខ រាជរដ្ឋាភិបាលហ្វេសប៊ុក។ ទាល់តែបង្កើតសាលាហៅ ពួកហ្នឹងមកបង្រៀន។ បើទោះជាខ្ញុំ មិនមានហ្វេសប៊ុក ក៏គាត់(ប្រជាពលរដ្ឋ) គង់តែមកដាក់ពាក្យ បណ្តឹងនៅផ្ទះខ្ញុំដដែលហ្នឹង។ ជួនកាលលើកគ្នាដាក់ធ្វើបាតុកម្ម ដាក់ពាក្យបណ្តឹងថែមទៀត។ ដូច្នេះ ការមានហ្វេសប៊ុក វាទទួលបានកាន់តែលឿននិងបញ្ជូនទៅក្រសួងសាម៉ី ដោះស្រាយ។ មានករណីខ្លះ ឯកឧត្តម ម៉ម ប៊ុនហេង ទទួលការដោះស្រាយភ្លាមៗ ក្រោយការបញ្ជូនពីWhatapps របស់ខ្ញុំ។ និង ករណីមួយទៀត នៅកំពង់ចាម ខ្ញុំបានផ្ញើWhatapps ទៅលន់ លឹមថៃ ករណីចាប់ប្រជាពលរដ្ឋនៅស្រុកស្រីសន្ធររឿងលុយ៨០ដុល្លាជាប់គុក។ បើខ្ញុំមិនមានទេ ដំណោះស្រាយក៏មិនអាចធ្វើបានលឿនដែរ។ តើការដោះស្រាយលឿនបែបនេះ មិនគួរត្រូវបានលើកទឹកចិត្តទេ ឬយ៉ាងម៉េច? ខ្ញុំមិនបង់ចោលទម្លាប់នៃការធ្វើការរងារបស់ខ្ញុំនោះទេ ប៉ុន្តែខ្ញុំគ្រាន់តែបន្ថែមល្បឿន ការងារតែប៉ុណ្ណោះ។ បញ្ហារបស់ប្រជាពលរដ្ឋ មិនមែនជាបញ្ហាតូចតាចទេ សូមកុំមើលស្រាល។
សម្ដេចតេជោ បានបន្ថែមថា ពីមុន អាងអីឡើងហ្វេសប៊ុកៗ ដល់ឥឡូវ ឲ្យក្រញ៉ាងៗ (ចាញ់សម្តេច)។ ហ្វេសប៊ុករបស់ខ្ញុំ មិនមែនបង្កើតមក ដើម្បីប្រឆាំងនឹងអ្នកទេ ប៉ុន្តែដើម្បីពន្លឿនការងារ និងប្រសិទ្ធភាព ជូនប្រជាពលរដ្ឋ តែប៉ុណ្ណោះ ។
គួរបញ្ជាក់ថា កាលពីពេលថ្មីៗកន្លងទៅនេះ សម្តេចតេជោហ៊ុន សែន បានប្រកាសនៅក្នុងបណ្តាញ ទំនាក់ទំនងសង្គមហ្វេសប៊ុក ពីចំនួនអ្នកចូលចិត្ត(Like)ជាង២លាននាក់ ដែលចំនួននេះ សបញ្ជាក់ថា មានការកើនឡើងជាងឯកឧត្តមសម រង្ស៊ី ប៉ុន្តែមន្ត្រីជាន់ខ្ពស់ គណបក្សសង្គ្រោះជាតិបានលើកឡើងថា គណបក្សរបស់ខ្លួន មិនចាប់អារម្មណ៍ ពីចំនួនអ្នកចុចឡាយ លើផេកហ្វេសប៊ុក របស់សម្តេចតេជោទេ។
ហើយសម្ដេចក៏បានបន្ថែមទៀតផងដែរថា សង្គមប្រទេសជាតិអភិវឌ្ឍន៍ត្រូវផ្ដោតសំខាន់លើ៤ចំណុច(មនុស្ស ទឹក ផ្លូវ ភ្លើង)អ្នកដឹកនាំត្រូវយកចិត្តទុកដាក់លើចំណុច៤នេះដោយមិនអាចខ្វះបានឡើយបើខ្វះចំណុចណាមួយការដឹកនាំមិនអាចធ្វើឲ្យប្រទេសទៅកាន់ត្រើយសុខសន្តិភាពបានឡើយ៕
ចំនួនអ្នកទស្សនា
- ថ្ងៃនេះ2121
- ម្សិលមិញ16391
- សប្តាហ៍នេះ48351
- ខែនេះ163501
- ឆ្នាំនេះ163501
- សរុប20605957